Kampanîya Taa Mutehirira  pêşbirka xwe ya çêtirîn nivîsa rojnamevanî û rapora dîtbar radigihîne û daxwazname ji 5 ta 31ê cotmehê tên qebûlkirin.

Xelata pêşbirkê 1000$ e bo nivîsan û 1500$ e bo raporên vîdyoyî lê divabe nehatibin belavkirin ta dema ragihandina encamên pêşbirkê.

Rojnameya Elşerq Elewset dê her du raporên bijartî belav bike.

Naveroka Pêşbirkê:

Divabe mijarên nivîs û raporan yek ji van mijaran bin:

1. Wêneya jina Sûrîyeyî ya klasîk û karên şikandina vê wêneyê.
2. Rol û karên ku jina Sûrîyeyî di warê giştî, mirovî û niştîmanî de piştî 2011an pê rabûye.
3. Cûdakirina neyênî ya ku li ser cenderê ava dibe ku li dijî jina Sûrîyeyî tê pêkanîn.

Mercên Beşdarîyê:

1. Nasnameya Sûrîyeyî an Sûrîyeyî/Filastînî.
2. Temen: 20-45 sal.
3. Rojnamevan an çalakvanên ku bi dezgehên ragihandinê re an bi awayekî serbixwe kar dikin.
4. Niştebûna li Sûrîyeyê an li (Libnan, Tirkîye, Îraq an Ordunê)
5. Divabe nivîs an rapor behsa mijarên destnîşankirî bike yên ku pêşbirkê bijartiye.
6. Divabe mijara vîdyoyê an nivîsê nehatibin belavkirin ta dema derxistina encamên pêşbirkê.
7. Hejmara gotinên  nivîsê ji 800 ta 1500 gotinî ye û vîdyo ji 5 deqan kurttir e.

Awayê pêşkêşkirinê:

1. Dagirtina daxwaznameya beşdarîya di pêşbirkê de bi rêya vê lînkê.
2. Madeya nivîsî bi forma word tê şandin.
3. Rapora dîtbar bi forma mp4,mov tê şandin ku li ser malperên biparvakirinê hatibe daxistin û link li ser emaila kampanîyê tê şandin lê ev link divabe ta destpêka mijdarê berdest be.

Ev agahî ji bo emaila kampanîyê tên şandininfo@liberated_t.com  her weha madeya ku piştî saet 12 roja 31ê cotmehê tê şandin nayê pejirandin.