Daxuyanîyeke Hevbeş a daxwaza rizgarkirina “çalakvanên Medayayê”

Em weke rêxistinên sivîl ên jêrîmzeker, girtina çalakvanan “Emced Elmalih, Husam Mehmûd, Hesen Yûnis û Bekir Yûnis ” ku ji Êdlêbê ne û di destpêka Berfanbara borî de hatine girtin, şermezar dikin. Her weha em piştgirîya xwe bo girtîyan nîşan didin heta ku werin serbestkirin.

 

Her çar çalakvan ji yên navdar in li herêma xwe û xebateke wan a hetikandina binpêkirinên Hêzên Hikûmeta Sûrîyayê û Mîlîşayên Hizbela di dema dorpêçkirina medaya de hebû. Dema ku bajar dorpêçkirî bû, van çalakvanan tevî rewşa zehmet wêneyên rewşa di bin dorpêçê de veguhestin û bi hemû awayên berdest piştgirîya sivîlan kirin. Her weha çalakvan Emced Elmalih di nîvê pêşîn de ji sala 2017an rastî hewldaneke kuştinê hat bi rêya berdana guleyekê ji alîyê kesekî nenas ve.

 

Li gor agahîyên çalakvanên herêmê, endamên Desteya Rizgarkirina Şamê çalakvan Husam mehmûd (31 sal) û Hesen Yûnis (28 sal) di 10.12.2017an de girtin dema ku ew li taxa Elqusûr a Êdlêbê bûn ew jî bi tometa kişandina wêneyên deverên girêdayî desteyê. Di 12.12.2017an de çalakvan Bekir Yûnis (23 sal) birayê Hesen hate girtin û paşê çalakvan Emced Ebdilezîz Elmalih (29 sal) di 13.12.2017an de hate girtin, her duyê dawî ji pêşîya deverên niştebûna xwe li Êdlêbê bi tometa “karê ragihênerî li dijî desteyê” hatin girtin.

 

Hevgirtina Rojnamevanên Sûrîyayî di raporeke xwe ya 23.12.2017an de der barê girtina her çar çalakvanan de got ku desteya Rizgarkirina Şamê daxuyanîyek di cotmeha borî belav kiribû û tê de gotibû ku nabe nûçegihanên kenalan û dezgehên ragihandinê li Êdlêbê werin girtin çi rêdana karê ragihênerî bi wan re be an na.

 

Ji ber ku bawerîya me bi karê sivîl di hundirê Sûrîyayê de tê û bi giringîya piştgirîya vî karî û karkeran bi hemû awayan, em li vir:

  1. Berpirsyarîtîya saxlemîya her çar çalakvanan dispêrin hêzên li van herêmn.
  2. Doza serbestkirina demlidest a van çalakvanan bê şert û merc dikin.
  3. Teqezîyê li ser giringîya pabendîya bi neêrîşkirina karmendên di warê civaka sivîl de û dabînkirina parastinê ji wan re eger pêwîst bike.

 

Îmzeker:

  • Navenda Sûrîyayî ya Ragihandinê û Azadîya Derbirînê.
  • Grûpa Karê ji bo Sûrîyayê.
  • Navenda Bibelgekirina Binpêkirinan.
  • Rewangeh- Navenda Erebî a Mafên Mirovan li Colanê.
  • Rêxistina çalakvanên Sûrîyayî a çavdêrîyê.
  • Rêxistina Biratî a Mafên Mirovan.
  • Yekîtîya Encumenên Navxweyî LACU.
  • Navenda Sûrîyayî a Xwendin û Lêkolînên Qanûnî.
  • Navenda Elkewakîbî a Dadmendîya Veguhêz û Mafên Mirovan.
  • Desteya Tevgera şoreşgerî a Sûrîyayî.
  • Ofîsa Tevgera şoreşgerî li Homsê.
  • Yekîtîya Hevrêzîyên şoreşa Sûrîyayî.
  • Ofîsa Tevgera şoreşgerî li Stenbolê
  • Kampanîya Alîkarîya Kesên Mayî Bikin.
  • Rêxistina Elkewakibî a Mafên Mirovan.
  • Beytuna Sûrîya
  • Rêxistina Elyewm Eltalî.
  • Hevgirtina Niştîmanî a Azad a Karmendên Dezgehên Sûrîya.
  • Encumena Deplomatên Azad
  • Encumena Akadîmîsyanên Azad
  • Encumena Jinê di Hevgirtina Niştîmanî a Azad de.
  • Encumena Bijîşkî di Hevgirtina Niştîmanî a Azad de.
  • Encumena Dadwerên Sûrîyayî yên Azad di hundir de.
  • Navenda Afaqê a Xwendin û qewîtîyên Qanûnî.
  • Encumena Rêveberîya Navxweyî Hevgirtina Niştîmanî a Azad de.
  • Encumena Parlemnterên Azad.