{"id":189878,"date":"2019-12-02T13:58:54","date_gmt":"2019-12-02T11:58:54","guid":{"rendered":"https:\/\/scm.bz?p=189878"},"modified":"2019-12-02T13:58:54","modified_gmt":"2019-12-02T11:58:54","slug":"isis-only-tribunal","status":"publish","type":"post","link":"https:\/\/scm.bz\/kmr\/isis-only-tribunal\/","title":{"rendered":"Dadgehkirina gir\u00eaday\u00ee DAI\u015e\u00ea: Ziyan\u00ean dadmend\u00eeya selekt\u00eev ji s\u00fbdeyan b\u00eahtir in"},"content":{"rendered":"

\nDadgehkirina gir\u00eaday\u00ee DAI\u015e\u00ea: Ziyan\u00ean dadmend\u00eeya selekt\u00eev ji s\u00fbdeyan b\u00eahtir in<\/strong><\/p>\n

Kurtas\u00eeyeka Siyas\u00ee<\/strong><\/p>\n

Di nava metira\u00eey\u00ean reva \u00e7ekdar\u00ean DAI\u015e\u00ea ji bakurrojhilat\u00ea S\u00fbr\u00eeyay\u00ea ji ber \u00ear\u00ee\u015f\u00ean Turk\u00eeyay\u00ea, dewlet\u00ean Ewrop\u00ee y\u00ean xwed\u00ee bandor dixwazin bar\u00ea welat\u00eey\u00ean xwe y\u00ean ku tev li DAI\u015e\u00ea bpne, ji ser mil\u00ean xwe hil\u00eene,ji bo \u00e7\u00eakirina dadgeheka navdewlet\u00ee an m\u00eekan\u00eezmeka weha ji bo dadgehkirina tawanker\u00ean navdewlet\u00ee y\u00ean ku tev li DAI\u015e\u00ea b\u00fbne li Iraq\u00ea \u00fb S\u00fbr\u00eeyay\u00ea. Dibe ku ev dadgeh p\u00eadiv\u00eey\u00ean qurban\u00eeyan pa\u015fguh bike \u00fb derfet\u00ean lihevhatin\u00ea li S\u00fbr\u00eeya \u00fb \u00ceraq\u00ea t\u00eak bibin. Ji bo bicihan\u00eena dadmend\u00eey\u00ea bo qurban\u00eey\u00ean DAI\u015e\u00ea \u00fb dijat\u00eeya derketina kom\u00ean rad\u00eekal careka din, divabe civaka navdewlet\u00ee l\u00eapirs\u00een\u00ea di doz\u00ean DAI\u015e\u00ea \u00fb kom\u00ean din de veke, y\u00ean ku binp\u00eakirin\u00ean metirs\u00eedar li S\u00fbr\u00eeya \u00fb \u00ceraq\u00ea kirine, her weha ji n\u00eaz\u00eekat\u00eeya selekt\u00eev \u00fb li gor siyaset\u00ea ku reva ji sezay\u00ea di\u00e7esip\u00eene d\u00fbr bikevin. Divabe dadmend\u00eeya navdewlet\u00ee r\u00eayeka vekir\u00ee be dema ku hem\u00fb r\u00eay\u00ean navxwey\u00ee y\u00ean p\u00eakan\u00eena dadmend\u00eey\u00ea werin girtin, ne ku alternat\u00eeba demdir\u00eaj a s\u00eestema dadgeh\u00ean ni\u015ft\u00eeman\u00ee be, her weha divabe dewlet\u00ean rojavay\u00ee rah\u00eajin berpirsyar\u00eet\u00eeya hemwet\u00eey\u00ean xwe y\u00ean ku tev li DAI\u015e\u00ea b\u00fbne, li gel p\u00ea\u015fk\u00ea\u015fkirina pi\u015ftgir\u00eey\u00ea bo \u00ceraq\u00ea ji bo bicihan\u00eena p\u00eadiv\u00ee \u00fb daxwaz\u00ean qurban\u00eeyan, \u00fb pi\u015ftgir\u00eeya qurban\u00eey\u00ean S\u00fbr\u00eeyay\u00ea di berxwedana wan a ji bo dadmend\u00eey\u00ea de.<\/p>\n

Kurtep\u00eanaseyek der bar\u00ea DAI\u015e\u00ea de li Iraq\u00ea \u00fb S\u00fbr\u00eeyay\u00ea<\/strong><\/p>\n

Di n\u00eev\u00ea sala 2014an de, DAI\u015e\u00ea dest dan\u00ee ser h\u00ear\u00eamine berfireh li rojavay\u00ee Iraq\u00ea \u00fb S\u00fbr\u00eeyay\u00ea \u00fb \u201cX\u00eelafetek\u201c damezirannd, bi nav\u00ea w\u00ea gelek binp\u00eakirin\u00ean maf\u00ean mirovan der heq\u00ea ni\u015ftecih\u00ean wan her\u00eaman bi cih an\u00een, ku ev binp\u00eakirin dikevin \u00e7ar\u00e7oveya tawan\u00ean ceng\u00ea, tawan\u00ean dij\u00ee mirovah\u00eey\u00ea \u00fb cenosaydan. DAI\u015e hate t\u00eakbirin bi r\u00eaya gelek kom\u00ean \u00e7ekdar \u00fb h\u00eaz\u00ean ni\u015ft\u00eeman\u00ee li S\u00fbr\u00eeya \u00fb Iraq\u00ea bi pi\u015ftevan\u00eeyeka navdewlet\u00ee \u00fb ji sala 2017an heta sala 2019an, her\u00eam\u00ean wan \u00ean may\u00ee ji dest wan di\u00e7\u00fbn. L\u00ea DAI\u015e di operasyon\u00ean xwe y\u00ean ketober de berdewam b\u00fb, di encam\u00ea de w\u00earan \u00fb jihevketina civak\u00ee \u00fb penaber\u00ee li d\u00fbv xwe hi\u015ft, her weha bi deh hezar\u00ean qurban\u00eey\u00ean ku li dadmend\u00eey\u00ea \u00fb bersivan digerin.<\/p>\n

Di dema ku her\u00eam\u00ean daw\u00ee y\u00ean DAI\u015e\u00ea li S\u00fbr\u00eeyay\u00ea hatin stendin, bi deh hezaran ji \u00e7ekdaran \u00fb malbat\u00ean wan di zindan \u00fb kamp\u00ean H\u00eaz\u00ean S\u00fbr\u00eeyaya Demokrat\u00eek de b\u00fbn li bakurrojhilat\u00ea S\u00fbr\u00eeyay\u00ea. Piran\u00eeya van \u00e7ekdaran Iraq\u00ee \u00fb S\u00fbr\u00eeyay\u00ee ne, l\u00ea \u00e7ekdar\u00ean biyan\u00ee ji derdora 70 dewlet\u00ee j\u00ee di nav wan de ne, \u00fb gelek ji van dewletan di war\u00ea vegerandina welat\u00eey\u00ean xwe de dudil in. giring\u00eeya mijara \u00e7aren\u00fbsa \u00e7ekdaran derkete hol\u00ea dema ku Turk\u00eeyay\u00ea \u00ear\u00ee\u015f\u00ee her\u00eamine n\u00fb li S\u00fbr\u00eeyay\u00ea kir di cotmeha 2019an de, H\u00eaz\u00ean S\u00fbr\u00eeyaya Demokrat\u00eek agahdar\u00ee dan ku zehemt\u00eeya hi\u015ftina van \u00e7ekdaran heye di nava \u00ear\u00ee\u015fan de \u00fb QSD\u00ea ragihand ku gelek kes ku hejmarek ji zindadanan reviyan.<\/p>\n

Dadmend\u00eeya K\u00eam<\/strong>:<\/p>\n

Gelek destp\u00ea\u015fxer\u00eey\u00ean hatin p\u00ea\u015fk\u00ea\u015fkirin bo darizandina endam\u00ean DAI\u015e\u00ea, l\u00ea pirsgir\u00eak \u00fb k\u00eamas\u00ee di hem\u00fbyan de peyda ne. tev\u00ee ku hin al\u00eey\u00ean be\u015fdar di rizgarkirina her\u00eaman ji DAI\u015e\u00ea bi tomet\u00ean binpkirina maf\u00ean miroavan hatine tometbarkirin l\u00ea heta nuha tu xebat\u00ean \u00e7alak \u00ean darizandina wan nehatine kirin.<\/p>\n

Li ser asta navxwey\u00ee, Iraq\u00ea hukm\u00ea bidarvekirin \u00fb zindankirina bo sal\u00ean dir\u00eaj li gelek endam\u00ean DAI\u015e\u00ea bir\u00ee, pi\u015ft\u00ee ku li dadgeh\u00ean ne li gor p\u00eevan\u00ean xwest\u00ee y\u00ean dadmend\u00eey\u00ea, hatin dadgehkirin. Ev doz li j\u00ear qan\u00fbna teror\u00ea hatin p\u00ea\u015fk\u00ea\u015fkirin, wate tometbar weke endam\u00ean DAI\u015e\u00ea hatin dadgehkirin, ne li gor kiryar\u00ean wan \u00fb bi gelemper\u00ee derfeta\u00a0 wan a naskirina rew\u015fa dadgehkirin\u00ea k\u00eam e. Dadgehkirin\u00ean bilez li Iraq\u00ea derfeteka gelek\u00ee k\u00eam a naskieina agah\u00eeyan ji h\u00eala malbat\u00ean qurban\u00eeyan, m\u00eena devera ve\u015fartina wan, peyda dike. Li S\u00fbr\u00eeyay, QSD\u00ea welat\u00eey\u00ean S\u00fbr\u00eeyay\u00ee y\u00ean gir\u00eaday\u00ee DAI\u015e\u00ea dadgeh kirin, ev dadgehkirin h\u00eajay\u00ee pesinday\u00een\u00ea ne ji ber ku bidarvekirin weke seza nehate ferzkirin, l\u00ea her\u00eam ne xwed\u00ee serwer\u00eeyeka qan\u00fbn\u00ee ye \u00fb j\u00eader ne peyda ne ji bo dadgehkirin\u00ean dadmend li gel zehmet\u00eey\u00ean peydakirina dadmend\u00eey\u00ea li her\u00eam\u00ean \u015fer.<\/p>\n

Li ser asta navdwlet\u00ee, di \u00celona 2017an de, encumena ewlekar\u00eey\u00ea ya gir\u00eaday\u00ee Netewey\u00ean Yekb\u00fby\u00ee biryara 2379 derxist, ya ku doza \u00e7\u00eakirina t\u00eemeka l\u00eapirs\u00eenan dike, bi nav\u00ea (Unitad) ji bo danhev peytan \u00fb al\u00eekar\u00eeya dadgeh\u00ean Iraq\u00ea \u00fb al\u00eey\u00ean din \u00ean dadgehkirina tawanker\u00ean DAI\u015e\u00ea. Ev t\u00eem r\u00eadana l\u00eapirs\u00eena di tawan\u00ean al\u00eey\u00ean din de wernegirtiye, l\u00ea ten\u00ea l\u00eapirs\u00eenan di tawan\u00ean DAI\u015e\u00ea de dike, ji nav wan \u00e7ewisandina \u00cazd\u00eeyan, komkuj\u00eeya bingeha Spiker\u00ea \u00fb tawan\u00ean dag\u00eerkirina bajar\u00ea M\u00fbsil\u00ea.<\/p>\n

P\u00ea\u015fniyar\u00ean Dadgehkirina DAI\u015e\u00ea: <\/strong><\/p>\n

Dewlet\u00ean Ewrop\u00ee du caran di sala 2019an de li hev civ\u00eeyan ji bo xwendina destp\u00ea\u015fxer\u00eeya Sw\u00ead\u00ea bi pi\u015ftgir\u00eeya Holand\u00ea, bi armanca damezrandina dadgeheka navdewlet\u00ee ji bo cezakirina DAI\u015e\u00ea. Tevger li dor p\u00ea\u015fniyar\u00ea lezg\u00een b\u00fb pi\u015ft\u00ee \u00ear\u00ee\u015f\u00ean Turk\u00eeyay\u00ea di cotmeha 2019an de, ku civ\u00een\u00ean lezg\u00een li Kobinhagin \u00fb Bexday\u00ea hatin gerandin, \u00fb wez\u00eer\u00ea derve y\u00ea Fransay\u00ea seredana \u00ceraq\u00ea kir ji bo zexta li ser m\u00eekan\u00eezma dadgehkirina \u00e7ekdar\u00ean biyan\u00ee li ser xaka \u00ceraq\u00ea.<\/p>\n

Dema ku dewlet\u00ean Ewropay\u00ee zext\u00ea li \u00ceraq\u00ea dikin da ku p\u00ea\u015fwaz\u00eeya li gumanbar\u00ean DAI\u015e\u00ea y\u00ean biyan li S\u00fbr\u00eeyay\u00ea bipejir\u00eene, hin zelal\u00ee der bar\u00ea \u015f\u00eawaz\u00ea tedb\u00eer\u00ean dadgeh\u00ea de li dij\u00ee wan heye. N\u00eeqa\u015f li ser avakirina dadgeheka navdewlet\u00ee di destp\u00eaka sala 2019an de heb\u00fb l\u00ea xuya dike ne p\u00eakan e. Her weha mijara avakirina dadgeheka tevlihev li \u00ceraq\u00ea bi pispor\u00ee \u00fb pereday\u00eeneka navdewlet\u00ee di n\u00eeqa\u015f\u00ea de ye, tev\u00ee gotin\u00ean ney\u00ean\u00ee y\u00ean ku wez\u00eer\u00ea derve y\u00ea \u00ceraq\u00ea der bar\u00ea dadgeheka wisa de li \u00ceraq\u00ea gotib\u00fb.<\/p>\n

Diyar e evdadgeh d\u00ea ten\u00ea \u00e7ekdar\u00ean DAI\u015e\u00ea dadgeh bike. L\u00ea pirs\u00ean serek y\u00ean din b\u00ea bersiv dim\u00eenin, m\u00eenak; gelo qan\u00fbna \u00ceraq\u00ee yan a navdewlet\u00ee were bicihan\u00een, tawan\u00ean \u00ceraq\u00ea bi ten\u00ea li xwe digire an y\u00ean li S\u00fbr\u00eeyay\u00ea j\u00ee,\u00a0 nasnamey\u00ean gumanbaran y\u00ean y\u00ean ku dadgeh d\u00ea li xwe bigire, dewlet\u00ean al\u00eekar di v\u00ea dadgeh\u00ea de, mijara sezaya bidarvekirin\u00ea.\u00a0 Li gor piran\u00eeya dewlet\u00ean ku zext\u00ea ji bo avakirina v\u00ea dadgeh\u00ea dikin, ne qan\u00fbn\u00ee ye ku girt\u00eeyan veguh\u00eaze an veguhestina wan bo dever\u00ean ku d\u00ea l\u00ea werin \u00ee\u015fkencekirin an bidarvekirin, h\u00easan bike.<\/p>\n

Dibe ku dadgeh bi dadgehkirina endam\u00ean DAI\u015e\u00ea y\u00ea biyan ten\u00ea were erkdarkirin, \u00fb girt\u00eey\u00ean din li gor s\u00eestema \u00ceraq\u00ea werin dadgehkirin. P\u00ea\u015fniyareka wisa biziyan e b\u00eahtir\u00ee hem\u00fb \u015f\u00eawaz\u00ean din \u00ean dadgehkirina DAI\u015e\u00ea , ku maf\u00ean hin tawankeran ji y\u00ean din b\u00eahtir e. Di \u00e7ar\u00e7oveya s\u00eenaryoyeka wisa de, tometbar\u00ean biyan d\u00ea rast\u00ee dadgehin\u00ean dadmendtir b\u00eay\u00ee sezaya bidarvekirin\u00ea werin, di heman dem\u00ea de \u00ceraq\u00eey\u00ean ku ji S\u00fbr\u00eeyay\u00ea hatine veguhestin d\u00ea rast\u00ee sezaya bidarvekirin\u00ea werin. sebaret qurban\u00eeyan j\u00ee, kes\u00ean ku \u00ea\u015f ji ber \u00e7ekdar\u00ean biyan d\u00eetine d\u00ea karibin li dadgehan hazir bin, l\u00ea y\u00ean ku \u00ea\u015f ji ber \u00e7ekdar\u00ean S\u00fbr\u00eeyay\u00ee \u00fb \u00ceraq\u00ee d\u00eetine, d\u00ea nikaribin hazir bin, li gel ku qurban\u00eey\u00ean kom\u00ean \u00e7ekdar \u00ean din d\u00ea werin pa\u015fguhkirin.<\/p>\n

Desp\u00ea\u015fxer\u00eeyeka ne dadmend \u00fb xwed\u00ee armanc\u00ean siyas\u00ee<\/strong><\/p>\n

Civaka Navdewlet\u00ee \u00fb \u00ceraq \u00fb S\u00fbr\u00eeya li ser dijat\u00eeya DAI\u015e\u00ea \u00fb cezakirina endam\u00ean w\u00ea li hev dike. Di heman dem\u00ea de al\u00eey\u00ean ku binp\u00eakirin bi cih an\u00eene di bin nav\u00ea \u015fer\u00ea li dij\u00ee DAI\u015e\u00ea, ji h\u00eala al\u00eey\u00ean bih\u00eaz ve t\u00ean parastin \u00fb di encam\u00ea de derfeta reva ji sezay\u00ea ji wan re peyda ye \u00fb ji rexneyan parast\u00ee ne. ev h\u00eaman\u00ean siyas\u00ee encamin\u00ean ne dadmend derdixin hol\u00ea, ku hin tawanker parast\u00ee dim\u00eenin \u00fb hin t\u00eane sezakirin, di encam\u00ea xwed\u00ee li hin qurban\u00eeyan hate derketin \u00fb maf\u00ea hinan bi temam\u00ee hate pa\u015fguhkirin.<\/p>\n

Hik\u00fbmet\u00ean Ewrop\u00ee di war\u00ea vegerandina welat\u00eey\u00ean xwe de, y\u00ean ku tev li DAI\u015e\u00ea bib\u00fbn, ji bo dadgehkirina wan, dudil in, ji ber tirsa ku ew kiryarin\u00ean hovane li ewropay\u00ea bi cih b\u00eenin an j\u00ee ber\u00ea hinekan bidin rad\u00eekal\u00eezm\u00ea, li gel zehmet\u00eey\u00ean berhevkirina peyt\u00ean tawan\u00ean wan, her weha raya gi\u015ft\u00ee j\u00ee li dij\u00ee vegera endam\u00ean DAI\u015e\u00ea ye. Tev\u00ee ku di dema \u00ear\u00ee\u015f\u00ean Turk\u00eeyay\u00ea de, hin dewletan d\u00eet ku giring e kes\u00ean negiha\u015ft\u00ee \u00fb malbat\u00ean wan ne bi wan re ne werin vegerandin, l\u00ea ev yek diyar dike ku rijd in bo d\u00eetina \u00e7areyeka lezg\u00een bo welet\u00eey\u00ean giha\u015ft\u00ee tu caran veneger\u00eenin.<\/p>\n

Dadmend\u00eeya selekt\u00eev b\u00ea bandor e:<\/strong><\/p>\n

Biryara encumena ewlekar\u00eey\u00ea ya Nyy\u00ea 2379 ku di encama w\u00ea de (UNITAD) hate damezrandin li gel destp\u00ea\u015fxer\u00eey\u00ean navxwey\u00ee y\u00ean dadgehkirina DAI\u015e\u00ea, gelek gav\u00ean rast n\u00ee\u015fan didin, ji nav wan teqez\u00eeya navdewlet\u00ee ser pabend\u00eeya bi p\u00eakan\u00eena dadmend\u00eey\u00ea. L\u00ea di heman dem\u00ea de p\u00eeva\u00ean metirs\u00eedar bo p\u00eakan\u00eena dadmend\u00eeyeka selekt\u00eev ji h\u00eala destey\u00ean siyaset\u00ean navdewlet\u00ee hatin dan\u00een. Di heman dem\u00ea de bobelateka navdewlet\u00ee di war\u00ea bawer\u00eeya bi van qan\u00fbnan heye ku ji h\u00eala civaka navdewlet\u00ee ya azad ve hatine dan\u00een \u00fb giring e ku dewlet\u00ean bih\u00eaz pabend\u00eey\u00ea bi p\u00eevan\u00ean pi\u015ftevan\u00eeya biryar\u00ea bikin \u00fb bawer\u00eey\u00ea k\u00eam neke.<\/p>\n

H\u00eajay\u00ee gotin\u00ea ye ku dadgehkirina DAI\u015e\u00ea bi ten\u00ea dide xuyakirin ku hik\u00fbmet\u00ean Ewrop\u00ee berpirsyar\u00eet\u00eeya xwe bi kes\u00ean metirs\u00eedar \u00fb berpirs di ber binp\u00eakirinan de, disp\u00eare her\u00eameka ku n\u00fb ji \u015fer derketiye \u00fb gelek zeh,met\u00ee li p\u00ea\u015f w\u00ea hene. Ev reng dadgehkirin d\u00ea dadmend\u00eeya yekal\u00ee \u00e7alak bike ku dijmin\u00ean dewlet\u00ean rojavay\u00ee ten\u00ea t\u00eane armanckirin, \u00fb ner\u00eena navdwlet\u00ee ya ku teror ji \u00ceslam\u00ea ye di\u00e7esip\u00eene, ku tawanker\u00ean xwed\u00ee \u00eedyoloc\u00eeya misilmant\u00eey\u00ea ji tawnker\u00ean din b\u00eahtir t\u00eane cezakirin. Ev ner\u00eendijmant\u00eeya rojavay\u00ea c\u00eehan\u00ea derdixe hol\u00ea \u00fb hi\u015fmend\u00eeya rad\u00eekal ya ku DAI\u015e ji ber ava b\u00fbye bibandor dike \u00fb xebat\u00ean dijat\u00eeya teror\u00ea b\u00eas\u00fbd dike.<\/p>\n

Astengkirina xebat\u00ean lihevhatin\u00ea li \u00ceraq \u00fb S\u00fbr\u00eeyay\u00ea:<\/strong><\/p>\n

\u015e\u00eawaz\u00ea selekt\u00eev di darizandina tawankeran de, d\u00ea bibe sedema encam\u00ean ney\u00ean\u00ee di van waran de; maf\u00ean qurban\u00eeyan, lihevhatina ne\u015ft\u00eeman\u00ee, jin\u00fbavakirina saz\u00eey\u00ean dewlet\u00ea \u00fb \u00e7esipandina rola qan\u00fbn\u00ea li \u00ceraq\u00ea. D\u00ea r\u00ea bide gr\u00fbp\u00ean binp\u00eakirina maf\u00ean mirovan ku ji sezay\u00ea birevin, di heman dem\u00ea de qurban\u00eey\u00ean wan d\u00ea nikaribin bigih\u00eajin dadmend\u00eey\u00ea, ne ten\u00ea wisa, l\u00ea ner\u00eenek\u00ea dide al\u00eey\u00ean din ku kirayar\u00ean wan \u00ean hovane d\u00ea b\u00ea seza derbas bin. Ev yek gef\u00ea li r\u00eaya lihevhatina ne\u015ft\u00eeman\u00ee dixwe \u00fb xemg\u00een\u00eeya qurban\u00eey\u00ean ku \u00ea\u015f ji ber gr\u00fbp\u00ean ji bil\u00ee DAI\u015e\u00ea d\u00eetine, z\u00eade dike, di encam\u00ea de derfeta derketina \u015fer \u00fb rad\u00eekal\u00eezm\u00ea di p\u00ea\u015feroj\u00ea de z\u00eade dibe. Hewldana lez\u00ea bi r\u00eaya p\u00ea\u015fniyar\u00ean dadgehkirina endam\u00ean DAI\u015e\u00ea bi ten\u00ea bi armanca qezencgirtina siyas\u00ee\u00a0 \u00fb di \u00e7ar\u00e7oveya tirsa ji reva \u00e7ekdar\u00ean DAI\u015e\u00ea ji zindan\u00ean H\u00eaz\u00ean S\u00fbr\u00eeyaya Demokrat\u00eek, r\u00ea ji bo \u015f\u00eawira qurban\u00eeyan teng dike, di encam\u00ea de ne p\u00eakan e ku ev dadgeh xwed\u00ee bandoreka civak\u00ee ya er\u00ean\u00ee be \u00fb p\u00eadiv\u00ee \u00fb daxwaz\u00ean qurban\u00eeyan bi cih b\u00eene.<\/p>\n

Li \u00ceraq\u00ea, heb\u00fbna dadgehek\u00ea ji bo dadgehkirina endam\u00ean DAI\u015e\u00ea bi ten\u00ea, ku gr\u00fbpeke rad\u00eekal e \u00fb p\u00eakan\u00eeneka hovane \u00fb rad\u00eekal bo \u00ceslama Sun\u00ee li xwe digire, dibe ku welat\u00eey\u00ean Sun\u00ee aciz bike \u00fb bib\u00eenin ku ew rast\u00ee hik\u00fbmeteka navend\u00ee bi piran\u00ee ji \u015e\u00eee t\u00ean \u00fb hik\u00fbmet wan pa\u015fguh dike. Li S\u00fbr\u00eeya j\u00ee dadgehkirina endam\u00ean DAI\u015e\u00ea b\u00eay\u00ee dadgehkirina al\u00eey\u00ean din, d\u00ea h\u00eav\u00eey\u00ean qurban\u00eey\u00ean gr\u00fbp\u00ean \u00e7ekdar\u00a0 \u00ean din bi p\u00eakan\u00eena dadmend\u00eey\u00ea de bikujin.<\/p>\n

Dibe ku avakirina dadgeheka navdewlet\u00ee an hevbe\u015f nameyek\u00ea bide ku dadgeh\u00ean \u00ceraq\u00ee nikarin dan\u00fbstendin\u00ea\u00a0 bi tawan\u00ean li ser erda xwe re bikin, \u00fb\u00a0 bawer\u00ee bi s\u00eestema dadgeh\u00ee ya ku ji ber de ji h\u00eala pereday\u00een \u00fb bingeha gel\u00ear\u00ee xwed\u00ee k\u00eaman\u00ee ye, k\u00eam bibe.\u00a0 \u00a0Divabe dadmend\u00eeya navdewlet\u00ee r\u00eaya daw\u00ee be dema ku r\u00eay\u00ean navxwey\u00ee y\u00ean bicihan\u00eena dadmend\u00eey\u00ea nem\u00eenin, ne ku aalternat\u00eeva demdir\u00eaj a s\u00eestema dadgeh\u00ean ni\u015ft\u00eeman\u00ee be. Ev perey\u00ean ku d\u00ea li ser \u00e7\u00eakirina dadgeheka navdewlet\u00ee werin dan\u00een, gerek e bikevin xizmeta bih\u00eazkirin \u00fb jin\u00fb\u00e7\u00eakirina s\u00eestema dadgeh\u00ean \u00ceraq\u00ee de, bi r\u00eaya pi\u015ftgir\u00eeya dadgeh\u00ean \u00ceraq\u00ee da ku bibin xeta berevan\u00eey\u00ea ya p\u00ea\u015f\u00een li dij\u00ee tawan\u00ean ceng\u00ea li \u00ceraq\u00ea \u00fb di encam\u00ea de berpirsyar\u00eet\u00eeya \u00e7\u00eakirina biryar\u00ea di destin \u00ceraq\u00ee de garant\u00ee dibe.<\/p>\n

Eger civaka navdewlet\u00ee tev wilo biryar bide ku m\u00eekan\u00eezma dadgehkirin\u00ea ya navdewlet\u00ee \u00e7alak bike, w\u00ea dem\u00ea avakirina dadgeheka tevlihev li \u00ceraq\u00ea d\u00ea rast\u00ee pi\u015ftgir\u00eeya civaka navdewlet\u00ee were \u00fb d\u00ea karibe hem\u00fb tawanbaran dadgeh bike, li gel ku qurban\u00ee \u00fb civak\u00ean ku bandor li wan hatiye d\u00ea karibin roleka \u00e7alak biger\u00eenin li gel avakirina t\u00eakil\u00eey\u00ea bi cemawer\u00ean \u00ceraq\u00ee re, ev yek dikare roleka er\u00ean\u00ee di \u00e7esipandina serwer\u00eeya qan\u00fbn\u00ea \u00fb lihevhatin\u00ea \u00fb dadmend\u00eey\u00ea li \u00ceraq\u00ea biger\u00eene. Mixabin, diyar e ev merc\u00ean serkeftin\u00ea tunene ji ber armanca rast ya destp\u00ea\u015fxer\u00eey\u00ea al\u00eekar\u00eeya dewlet\u00ean bih\u00eaz e ji bo ku bar\u00ea welat\u00eey\u00ean xwe y\u00ean ku tev li DAI\u015e\u00ea b\u00fbne bav\u00eaje ser mil\u00ea dewlet\u00ean din.<\/p>\n

Di t\u00eermeha 2017an de, berpirs\u00ea UNITAD, bir\u00eaz Ker\u00eem Xan diyar kir ku ew pi\u015ftgir\u00eeya hizira avakirina dadgehek\u00ea bo doz\u00ean tawanker\u00ean DAI\u015e\u00ea dike, m\u00eena wan dadgeh\u00ean ku li Norimborga Almanyay\u00ea hatib\u00fbn \u00e7\u00eakirin. Dadgeh\u00ean Norimborg\u00ea tev\u00ee ku bingeha p\u00ea\u015fketina dadgeh\u00ean navdewlet\u00ee b\u00fb l\u00ea gelek pirs ser bingeha w\u00ea ya qan\u00fbn\u00ee hene, \u00fb hate d\u00eetin weke ku ji h\u00eala al\u00eey\u00ean derve ve hatiye ferzkirin, her weha van dadgehan nikar\u00eeb\u00fbn li tawan\u00ean kwal\u00eesyon\u00ea li Almanyay\u00ea bin\u00earin. Ji lew re, ev dadgehkirin m\u00eenakeka xirab a p\u00eakan\u00eena dadmend\u00eey\u00ea li \u00ceraq\u00ea ne, tev\u00ee egera d\u00fbbarekirina \u015fa\u015f\u00eet\u00eey\u00ea d\u00eerok\u00ee y\u00ean \u00ceraqa n\u00fbjen, ku p\u00eavajoyeka tij\u00ee k\u00eaman\u00ee hate me\u015fandin ji bo d\u00fbrketina ji Bais\u00ea, m\u00eena p\u00eavajpya Alman\u00ee ya pi\u015ft\u00ee \u015eer\u00ea C\u00eehan\u00ee y\u00ea Duyem bo Naz\u00eeyan.<\/p>\n

Daxwaz\u00ean Qurban\u00eeyan t\u00ean Pa\u015fguhkirin:<\/strong><\/p>\n

Ev destp\u00ea\u015fxer\u00eey\u00ean ku doza dadgehkirina DAI\u015e\u00ea dikin, ne bi armanca bersivday\u00eena daxwaz\u00ean qurban\u00eeyan hatin destp\u00eakirin, l\u00ea ji bo sivikkirina zexta siyas\u00ee ya navxwey\u00ee li ser hik\u00fbmet\u00ean Ewrop\u00ee. Ev destp\u00ea\u015fxer\u00ee \u00e7areyeka k\u00eam in \u00fb bi hejmareka mezin a qurban\u00eeyan re nehatiye genge\u015fe kirin \u00fb dezgeh\u00ean civaka siv\u00eel \u00ean xwed\u00ee roleka giring di van doza ne be\u015feka biryar\u00ea ne. gelek malbat h\u00een li h\u00eav\u00eeya n\u00fb\u00e7ey\u00ean gir\u00eaday\u00ee hezkir\u00ean xwe ne, ku ji h\u00eala DAI\u015e\u00ea ve hatine revandin, h\u00een j\u00ee li bersivan, dadmend\u00eey\u00ea \u00fb derfeteka j\u00eeyana bi r\u00fbmet digerin. L\u00ea h\u00eaz\u00ean mezin \u00fb xebat\u00ean wan \u00ean \u00e7\u00eakirina dadgeheka navdewlet\u00ee ji deng\u00ea q\u00eer\u00een\u00ean p\u00eakan\u00eena dadmend\u00eey\u00ea bilindtir in \u00fb gef\u00ea li daxwaz \u00fb p\u00eadiv\u00eey\u00ean qurban\u00eeyan dixwin li \u00ceraq\u00ea \u00fb S\u00fbr\u00eeyay\u00ea.<\/p>\n

Dadgeha DAI\u015e\u00ea d\u00ea karibe, di rew\u015fa her\u00ee ba\u015f de, dadmend\u00eey\u00ea bo hejmareka k\u00eam a tawanan bi cih b\u00eene. Tev\u00ee ku dadgeh d\u00ea bal\u00ea biki\u015f\u00eene ser \u00ea\u015fa hin qurban\u00eeyan, l\u00ea nikare p\u00eadiv\u00ee \u00fb daxwaz\u00ean civak\u00ean qurban\u00eeyan y\u00ean her\u00ee mezin bi cih b\u00eene, m\u00eena vegera ewle ji bo b\u00eawaran\u00a0 \u00fb vegerandina mafan ser asta takekes\u00ee \u00fb civak\u00ee \u00fb vekirina gor\u00ean bikom\u00ee \u00fb gelek tedb\u00eer\u00ean din \u00ean e\u015fkerekirina \u00e7aren\u00fbsa windayan.<\/p>\n

S\u00fbr\u00eeya \u00fb \u00ceraq ne weke hev in:<\/strong><\/p>\n

Tev\u00ee ku DAI\u015e\u00ea komkuj\u00eey\u00ean hovane li \u00ceraq \u00fb S\u00fbr\u00eeyay\u00ea bi cih an\u00eene, l\u00ea divabe \u00e7i tedb\u00eer\u00ean navdewlet\u00ee hebin, rew\u015fa li her du dewletan ber\u00e7av bigirin. Li \u00ceraq\u00ea; DAI\u015e tawanker\u00ea sereke y\u00ea p\u00eakan\u00eena komkuj\u00eeyan b\u00fb \u00fb \u015fer\u00ea li her\u00eam\u00ea y\u00ea sereke ji bo derxistin \u00fb t\u00eakbirina DAI\u015e\u00ea b\u00fb. L\u00ea li S\u00fbr\u00eeyay\u00ea, \u015fer\u00ea li dij\u00ee DAI\u015e\u00ea en\u00eeyek b\u00fb ji nav gelek en\u00eeyan ku di hem\u00fbyan de tawan\u00ean her\u00ee xirab hatin kirin, nemaze ji h\u00eala r\u00eaj\u00eema Esed ve.<\/p>\n

\u00ceraq dewleteka xwed\u00ee serwer\u00ee ye \u00fb serkirdey\u00ean w\u00ea helbijart\u00ee ne \u00fb divabe pi\u015ftgir\u00ee ji helbijartinan re hebe ji bo rewat\u00eey\u00ea \u00fb garant\u00eeya pabend\u00eeya wan bi qan\u00fbn\u00ea. Li \u00ceraq\u00ea divabe dewlet bi roleka sereke ya p\u00eakan\u00eena dad\u00ea rabe \u00fb divabe hevkarek\u00ea sereke be di hem\u00fb tedb\u00eer\u00ean dadmend\u00eey\u00ea y\u00ean navdewlet\u00ee de y\u00ean ku gir\u00eaday\u00ee tawan\u00ean li ser erda w\u00ea yan ji h\u00eala hemwelat\u00eey\u00ean w\u00ea be.<\/p>\n

Li S\u00fbr\u00eeyay\u00ea rew\u015f tam ne wisa ye, hik\u00fbmet r\u00eaj\u00eemeka dektator a weh\u015f\u00ee dinim\u00eene, ku tawan\u00ean her\u00ee kir\u00eat der heq\u00ea gel de, di dema \u015fer de, kiriye. Be\u015fdar\u00eeya hik\u00fbmet\u00ea di dadgeha navdewlet\u00ee de m\u00eena pi\u015ftgir\u00eeya rewat\u00eeya v\u00ea r\u00eaj\u00eema tawanker e \u00fb pi\u015ftgir\u00eeya behaney\u00ean w\u00ea y\u00ean \u015fer\u00ea dij\u00ee teror\u00ea, ev gav d\u00ea qurban\u00eey\u00ean siyaset\u00ean \u00e7ewsandin\u00ea y\u00ean v\u00ea r\u00eaj\u00eem\u00ea cardin pi\u00e7\u00fbk bixe. \u00a0Hizira hevkar\u00eeya bi r\u00eaj\u00eema Esed re li dadgeha navdewlet\u00ee, d\u00ea nameyek\u00ea bide c\u00eehan\u00ea ku tawan er\u00eakir\u00ea ne dema ku di bin s\u00eewana dijat\u00eeya teror\u00ea de bin. Hik\u00fbmeta Holand\u00ea ji mezintir\u00een pi\u015ftgir\u00ean dadgehkirina navdewlet\u00ee ye \u00fb diyar kir ku ew \u00ea t\u00ea de be\u015fdar nebe. Ji al\u00eeyek\u00ee din ve, ne rast e ku dadgeh\u00ean S\u00fbr\u00eeyay\u00ee y\u00ean navxwey\u00ee y\u00ean ne rewa, behsa tawan\u00ean ceng\u00ea li S\u00fbr\u00eeyay\u00ea bikin. Di \u00e7ar\u00e7oveya axaftina ser tawan\u00ean r\u00eaj\u00eema Esed y\u00ean metirs\u00eedar de, balki\u015fandina ser tawan\u00ean DAI\u015e\u00ea bi ten\u00ea d\u00ea gotina ku tawan\u00ean r\u00eaj\u00eema Esed siviktir in bi\u00e7esip\u00eene \u00fb d\u00ea bibe sedema ku gelek hik\u00fbmet dan\u00fbstendina xwe bi r\u00eaj\u00eem\u00ea re veger\u00eenin weke ber\u00ea \u00fb qurban\u00eeyan li pa\u015f xwe bih\u00ealin.<\/p>\n

H\u00eaz\u00ean S\u00fbr\u00eeyaya Demokrat\u00eek doza al\u00eekar\u00eeyeka piral\u00ee bo avakirina dadgeheka navdewlet\u00ee ya darizandina DAI\u015e\u00ea li ser xaka xwe ya serbixwe li bakur\u00ea S\u00fbr\u00eeyay\u00ea kir. L\u00ea ev yek gelek pirsgir\u00eakan bi xwe re t\u00eene, ji ber binp\u00eakirin\u00ea ku ji h\u00eala QSD\u00ea bi xwe hatine kirin \u00fb d\u00ea di dadgeha navdewlet\u00ee de ney\u00ean n\u00ee\u015fandan, li gel zehmet\u00eey\u00ean gir\u00eaday\u00ee dan\u00fbstendina bi n\u00fbner\u00ean deveran bo avakirina dadgehek\u00ea li gor qan\u00fbna navdewlet\u00ee her weha zehmet\u00eey\u00ean derketina \u015fer li her\u00eam\u00ea. Tev\u00ee wilo, hevr\u00eaz\u00eeya bi serkirdey\u00ean siyas\u00ee y\u00ean QSD\u00eare giring e ji bo mijar\u00ean vegerandina hemwelat\u00eeyan , gor\u00ean bi kom\u00ee \u00fb e\u015fkerekirina \u00e7aren\u00fbsa windayan.<\/p>\n

Dibe ku destp\u00ea\u015fxer\u00eeya dadgehkirina endam\u00ean DAI\u015e\u00ea li \u00ceraq\u00ea were p\u00ea\u015fwaz\u00eekirin, l\u00ea li S\u00fbr\u00eeyay\u00ea d\u00ea piran\u00eeya civaka S\u00fbr\u00eeyay\u00ee li dij\u00ee w\u00ea rabin, nemaze dijber\u00ean Esed, ji ber ku mijareka wisa d\u00ea bibe asteng\u00eeyek di r\u00eaya lihevkirin\u00ea de pi\u015ft\u00ee bidaw\u00eehatina \u015fer. H\u00eajay\u00ee gotin\u00ea ye ku mijar\u00ean wisa ber\u00ee nuha ji h\u00eala civaka siv\u00eel a S\u00fbr\u00eeyay\u00ee hatine redkirin.<\/p>\n

Alternat\u00eev\u00ean navxwey\u00ee peyda ne:<\/strong><\/p>\n

Dadmend\u00eeya navdewlet\u00ee r\u00eayeka ku di rew\u015f\u00ean taybet de t\u00ea stendin, dema hik\u00fbmet nikare an naxwaze dadmend\u00eey\u00ea bi \u015f\u00eawazek\u00ee navxwey\u00ee bi cih b\u00eene. Normalde, dadgeh\u00ean navdewlet\u00ee gelek pereyan dixwazin \u00fb li ser asteka nizm al\u00eekar\u00eeya \u00e7akkirina s\u00eestema dadgeh\u00ean navxwey\u00ee dike \u00fb doz\u00ean hejmareka k\u00eam a tawankeran digire dest \u00fb daxwaz\u00ean sereke y\u00ean qurban\u00eeyan, m\u00eena naskirina rast\u00eey\u00ea \u00fb vegerandina mafan, pa\u015fguh dike.<\/p>\n

Li \u00ceraq\u00ea \u00fb tev li zehmet\u00eey\u00ea ku s\u00eestema dadgehan rast\u00ee wan t\u00ea, ne zelal e h\u00een gelo hik\u00fbmet naxwaze an nikare dadmend\u00eey\u00ea bi cih b\u00eene, her\u00ee k\u00eam der bar\u00ea mijara DAI\u015e\u00ea de, \u00fb ji bil\u00ee gelek pirsgir\u00eak\u00ean hey\u00ee, l\u00ea tedb\u00eer\u00ean dadgehkirina tawanbar\u00ean DAI\u015e\u00ea li hin dadgeh\u00ean sereke y\u00ean \u00ceraq\u00ea di sala 2018an \u00fb 2019an de, bi p\u00ea\u015f ketin \u00fb h\u00een j\u00ee gelek xebat divabe werin kirin.<\/p>\n

Der bar\u00ea hik\u00fbmet\u00ean Ewrop\u00ee de, mijara ber\u00e7avgirtina doz\u00ean hemwelat\u00eet\u00ean wan y\u00ean endam\u00ea DAI\u015e\u00ea li welat\u00ean wan, mijara neb\u00fbna xwestek\u00ea ye, ne mijara nikar\u00eeb\u00fbna p\u00eakan\u00een\u00ea ye. Bijartina r\u00eaya dadmend\u00eeya navdewlet\u00ee tev li ki li ser asteka navxwey\u00ee t\u00ea p\u00eakan\u00een, hewldaneka zelal a d\u00fbrxistina welat\u00eey\u00ean metirs\u00eedar e \u00fb diyar e ne ku nikarin, l\u00ea naxwazin bi xwe dadmend\u00eey\u00ea p\u00eak b\u00eenin. Gelek m\u00eenak hene teqez dikin ku dadgehkirina endam\u00ean DAI\u015e\u00ea y\u00ean Ewrop\u00ee li Ewropay\u00ea p\u00eakan e:<\/p>\n